Falam ah Covid 19 mina thar hmuhsuah a si

Falam ih Covid 19 mina netabik in Siizung a suah san hnu zarh hnihnak ah mina thar pakhat hmuhsuah a si thu theih a si.

Asinan, tui` hmuhsuah thar mi Covid 19 mina cu Falam khuasung ih tlangleng mi hnen ihsin hmuhsuah mi siloin Kalay ihsin Kuak zuar dingih hung so tu hnen ah an hmu mi a si.

November 9 zaanlam nazi 5 luan hrawng ah mawṭaw thawn Kalay ihsin Falam lam pan ih Kuak zuar tum mipahnih hung so cu Falam, Sun Ceu Khan lan ih Harhdamnak Checknak gate ah Covid 19 nei maw, nei lo an check nak ah mipakhat sawn in nat a nei timi an hmusuak a si.

zuk – Salai Timmy

Positive mina thar cu Falam Siizungpi ah tuamhlawm lohli ding in kuat so cih a siih a rualpa khal Lungpi Quarantine center ah mawṭaw thawn an kuat cih tiah Chinland Herald Daily News in a ngan.

Leave a Reply

Your email address will not be published. Required fields are marked *