Falam ah Covid 19 mina thar an hmu +Thuthang tawi lawrkhawm

Falam : January 18 ih Covid 19 mina pahnih an hmu hnu a nikhat nakah nat nei thar pakhat hmuhsuah a si bet thu theih a si.

Asinan, January 19 ih mina thar cu Falam khuasung um siloin Kalay ihsi Falam ih hung so Forland mawṭaw mawng a si ih, tuah Falam Siizungpi ah an kuat zo ti`n thuthang kan dong.

Dawr ah to ih Ei-In an kham
Kan dung zarh lamin Falam khuasung ah Covid 19 natnei hmuhsuah a si ruangah natkarhzailo dingin Falam vuanthok zung in daan thar a suah.

1. Mibur ih um tlanglo dingin rawl dawr, lakphak dawr le zudawr pawl cun parcel cah phun lawngin thil zuar ding. Dawr zuartu pawl in mask bun tengteng ding.

2. Parcel phun ih thilzuarnak cu 2021, January 19 ihsin thlun thok ding a si ih thlun dingmi daan pahbaltu cu cozah thusuah vekin hremnak pe ding.

Falam khuasung ziinpi ah Nylon katṭaya phah thlang ding a si ruangah Siipin zung lam in thuthannak an nei.

Falam Siipin : Falam Cinmual Veng (Taungzalat Yeikta) lut nak kiang U Thang Khup inn kap rori ih ရေမြောင်း (Tiikua) in ဦးသက်နိင် inn tiang kha Falam Sipin in thaisun tipsun in hna tuan kan thok thlang ding ruang ah ,kha tawk kiangkap ih um tu innsang cio in kan mah ih hman rero lai mi Pipe pawl kha kan thawn cia a tul ding ti kha theihter nak kan lo pek duh.

Falam Municipal
Falam Cinmual Veng (Taungzalat Yeikta) lut nak kiang U Thang Khup inn kap rori ih ရေမြောင်း (Tiikua) in ဦးသက်နိင် inn tiang kha Falam Sipin in thaisun tipsun in hna tuan kan thok thlang ding ruang ah ,kha tawk kiangkap ih um tu innsang cio in kan mah ih hman rero lai mi Pipe pawl kha kan thawn cia a tul ding ti kha theihter nak kan lo pek duh.📢
Falam Siipin

Leave a Reply

Your email address will not be published. Required fields are marked *