Falam ah Covid 19 mina thar 3 hmuhsuah bet a si

Falam ah Covid 19 mina thar 3 hmuhsuah bet a siih, 17 October tiang namhnget mina pali an um zo tiah Falam siibawipi Dr. Tluang Cung Thang in a mai` bulpak Facebook cahmai ah a ngan.

Falam khuasung ih Covid 19 mina hmuhmaisabik, October 9 mina tel in Covid 19 namhnget mina 4 an um zo ih nat nei rinhleh um mipakhat khal a um tiah theih a si.

Dr. Tluang Cung Thang cun Covid 19 nat nei ding zum um mipakhat le Siizungpi ih Quarantine lut mipahnih an um ti khal in a ngan tel ih Falam mipi hnen khal ah poihei thupi nei lawngah leng suak ding, Leng suak khalle hmaikhuh bun ding, kutkholh ringring ding, mibur umtlang lo ding in le Covid 19 nat pianhmang vek deuh neitu um pang a si le Siizung lam ah theih ter lohli dingin Falam Siibawipi cun Facebook ah thucah a ngan a si.

Ziangtin Covid 19 mina a si timi an thei loh li?
Myanmar ramsung ah September 29 in hman thok mi Covid 19 test kit thawn an zoh ruangah hmuhsuah thei lohli nak san a si.

Falam Covid 19 mina hmuhsuahnak ih hman mi Rapid Antigen Test kit cu WHO in a ṭha ciang, rinsantlak a si tiih namhnget zo mi a si.

Hih Test kit cun minute 15 ihsin nazi khuai karlak ah Covid 19 nat nei le neilo a lang ter thei a si. Ramdang khal ah rinsan zet ih hman mi a siih nat karhzai cak zet nak hmun ahcun Rapid Antigen Test kit thawn Covid 19 nathrik hmuhsuah mi cu a hran ten an check sal lem nawn lo.

Leave a Reply

Your email address will not be published. Required fields are marked *

error: hahahahahaha !!