Falam ah Covid 19 darh cak, Mi pakhat nunnak liam zo

Falam khuapi sungah ṭumhnihnak Covid mina hmuhsuah a sihnu ah kum 50 mi nupinu pakhat cu June 2, nazi 12 hrawngah Covid 19 nat nak in a nunnak cem tiah theih a si.

“Falam khuasung ah May thlalai hrawng ah Covid mina thar hmuhsuah a si ih June 2 tiangah nat nei 10 luan an um.”

“Cumi ah besia luar 2 an um ih, tuisun ah mipakhat cun in cat san. Amah hi kum 50 luan nupinu a si” tiah tualsungum mipakhat in a ti.

A ruak cu siizung ihsin Laampa thlaan ah vui cih dingin an tawlrel rero lai tiah theih a si.

Tuṭum hi Falam ah Covid ruangih mithi kan neih hmaisaṭum a si ih nat darh lo dingin le natnak lakah kan khuapi him thei ding cu mipi tlun ah a ṭhumaw a si.

Curuangah kut kholh teima in lengsuak tikah mask bun, ṭul lo nakah lengsuak lo hram kan zuam cio pei.

Leave a Reply

Your email address will not be published. Required fields are marked *