Falam ah Chin Traditional Food Center on Puai Tuah Ding

Falam mino hrekkhat komkhawm ih tuah mi Chin Traditional Food Center (CTFC), Lai thil ei-in zuarnak dawr cu tui` sun July 1 ah on puai an tuah ding thu theih a si.

Chin mi ih ngainat zetmi le hrisel zetmi tualsuak hmuan sung suakmi le Lo/Duum suak (Organic) rori thawn tuahmi ei-in dawr ding a siih, Dawr neitu pakhat cun, “Chin mi ih kan sunsakzet mi le kan hmarngai zetmi tualsuak hmuan sung suakmi le Lo/Duum sung suakmi (Organic) felfel thawn mipi hrangah ei-in kan zuar dingmi a siih tha in pe cio dingin kan lo sawm” tiah a sim.

CTFC dawr ahcun Sabuti, Sapherh, Busul, kawhhol, Tanáš­he, Zuha, Zupi le Sabittin tipawl zuar ding a siih parcel thawn cah theih ding khalin tawlrelnak an nei a si.

Chin Traditional Food Center cu Falam, Canmari (Rev. Don Hre Dun tei` innkiang) ah a um ih zinglam nazi 8:00 ihsin zaan nazi 8:00 tiang an ong ding a si.

ref:CH
zuk:Paa Te

Leave a Reply

Your email address will not be published. Required fields are marked *

error: hahahahahaha !!