FALAM : A Thup Thair ih cangvaitu mipakhat ruangah Covid nat a karh phah thluh

January 11 ih hmuhsuahmi Covid 19 mina thar pakhat ruangah Falam khuasung ah nat a karh phah thluh tiah Falam Covid-19 Committee ṭuanvonei mipakhat in a tarlang.

Amah cun “Mizan zing ah — timi pa Covid-19 Positive cu Falam Siizung Isolation Ward ah kan ret. Cumi pa cu Christmas le Kumthar lak ah Tedim ah voi (2) feh in Falam ah a thupten a rak lut a si.”

“Voikhat a feh nak in Covid-19 nat a ngah si ding tin zumnak tampi a um. Ziang ah tile Voikhat a feh hnu in a damlo phah vek in a um ti a si. Voihnihnak ṭum, Falam a rak lut ah Dr. Tluang Cung Thang nih Swabs a test ter cu positive a rak si.”

Cupai` a positive contact pawl cu (1) Golf a lek pipawl (2) Zung ih a hnaṭuanpi pawl (3) Karaoke a sak pipawl le a innsang pawl ansi. Golf a lekpi pawl cu tutiang positive an um hrih lo nan Karaoke a sakpi pawl ah mi pa (3) cu positive an rak si.”

“An mah pawl in Falam khuasung ah natnak ziangtluk an darh sawng ding, minung ziangzet Positive an siding ticu thusutnak tumpi a si. Cule positive pa hin Tedim Voikhat a feh ṭum ah ṭhaten tuanvoneitu hnen Report in Swabs lak & Q ah um sehla Falam khuasung ummi Covid-19 positive kan um lo ding nan” tiah a tarlang.

Curuangah Q lut le Swabs test hi hriallo dingin forhfialawk a si ih Covid 19 dokham ding cun
1. zo khal vaak le Mask bun ding.
2. Kut kholh ring ring ding.
3. A tul lo in tawihvaak lo ding.
4. Mibur hrial ding.
5. Ramsung Ramleng Falam ralut le Report teng teng ih Swabs test lole Q lut fekfek ding.
6. Q lut duh lo a thupte lut an um le Tuanvo neitu hnen Report pek tengteng ding ti a si.

Siarbet : Innkangnak ih ṭanlavetu mipakhat telin Falam ah Covid 19 mina 3 an hmu

Leave a Reply

Your email address will not be published. Required fields are marked *