Falam ṭhansonak ding hrang Dr. Run Bik hmalaknak mak sak

Ṭheh suak zo mi Falam Townhall sak nak hrang siseh, Bazaar sak sal ding le khuatlang ṭhansonak hrang zinkong phunphun hawl in ram le miphun hrang tlawmngai thei zet tu Dr. Run bik cun India ambassador thawn hmaton thureltlangnak an nei thu a rel ih hmailam hrang khawkhanmi pawl cu a hnuailam bangtukin a rel a si.

“Tuisun 13-1-2023 ah Rangoon ih um India ambassador Nay Kumar in a umnak India house,35,Tantaman Lan,Dagon township ah suncaw I do. Indian embassy ih development incharge Jitandra tla a tel. Sun 12-30 PM in 2-30PM tiang a innpi ah nazi 2 sung kan rei. Falam lam hrang India hnen bom ding dil ka tummi pawl cu 12-1-2023 ah Jitandra hnen ih ka rak rel zo ruangah himi ni ah ka sim nawn lo.

In bawm dingih dil ka tummi pawl cu ….

(1) Tlangzawl khua hrangih KW 40 solar electric khawl. Himi in tuah sak thei ahcun an khua ah electric an vang thei dingih tidai tla an khaw taw ih ta electric tha in a pump so ding. Tidai tampi a um cun an khaw sungah hmuan tla an tuah thei ding.

(2) Cerhmun khua hrangah village hall ka duh thu ka sim. Pi 80 sau 50 ih kau si thei sehla volley ball le badminton leh thei a si dingih khawmpi vek ah milai 500 tiang lai kan tlem thei ding.

(3)Falam CCIT Bible Tlawng an hmun saklambik ah stadium le auditorium kawp hall sak ding. Hi hmun hi Pi 100 le 50 a si ti`n CCIT principal Rev.Dr.Za Hlei Kap in I sim. Tlangzawl solar project ding dilnak proposal cu Rangoon ah Mandalay Yoma solar company pawl ka ngan tir lai.

CCIT le Cerhmun project cu Falam ka thlen hnu ah engineer pawl kan ngan tir ding. Proposal hi in pompi ding in Hakha ih Chin state acozah kan dil ding. Cumi kan ngah le Naypidaw le India embassy kan pe ding. Kan tluan le tuihnu kum khat hnu ah a sak an thawk ding ih hnakum kum cem hlan ah an ṭheh ding.”

One thought on “Falam ṭhansonak ding hrang Dr. Run Bik hmalaknak mak sak

Leave a Reply

Your email address will not be published.