Falam Ṭhangso Seh Ti Na Ruat Dah Maw?

Falam Ṭhangso Seh Ti Na Ruat Dahmaw?

Ruatdah lawn. Kan thinlung cun kan ruat ṭeuti.

Innhmun thar man ol deuh ih pek cu ṭha ka ti zet. Sumpai cu acozah in tla in ṭanpi sehla, dilnak ca kan zuar mi hman (5000×1000) a siih ziangmawzat hna kan ṭuan thei ding. Innhmun man a khun le inn zalh kan harsa ding. Mi neinung le thil tithei in an ngah pei ih, man ṭha man a hngah le khuale veng a karh fung ding. Tlairawn ti khi ee, a bual kan teng lo ee, nauta nih ee, an ti kan hluan ding.

Falam khua a tir ah C. Zamual ram ziangzat a tel ti ka thei ban lo nan, 2017 ahcun Acre 124 a tel ti ka thei, thei. Innhmun in hman 700 lenglo a si. An khua zaten inn 60/70 lai cu innhmun pek a mawi ka ti. Keimah ih mawi timen a si. Pek rori ding tinak sihlah. Titheinak khal ka nei lo. Anmah khal in poi an tilo a si thei.

Thudang in vun kat sehla! Manipur tidawl an ṭheh le Sun Ceu Khaan in Parte khua cu lawng in nan feh ding ti sunmang man tla kan um. Kei cu, cuticun kan khua ziangtik ah a pil pei, kan mawṭaw ziin ziang a bang pei, kan lo ram le kan ṭilva ziangzat an sungral pei ti ka lam a har sawn. Hlawknak le zatlaknak khui a nasa sawn pei ti ka lam a har.

Ayeyawadi (Myitsone) project le Hakha Nawi dawl danghman an nor lo tilakah kan Falam peng ah cun nor hrih lo sehla. Ram neitu in an duh ahcun ziang tiṭha.

Falam ah Ralkap tili kan nei dah. A rei in tidai in leilung a ciah ngah ih a min, tu ah cun hmuh ding a um nawn lo.

1974 hnu deuh ah Dawbi-chawng hydro electric tidawl kan dawl sal. Kum rei lo ah a min ih a hlo. A tlun ih RCM biakinn hngetkhoh tak hman a min cih. Tidawl ding in kan leilung a hngetkhoh pei maw? Tidawl in electric kan suah pei ih lamhlat ah kan zuar ding ih a ṭhahnem zet ding. Innteek in a zar ziangzat kan to pei. Ziangzat kan sungral pei ih kan zatlak pei. A ṭha nan ti maw? Keimahlawng ih ruah cu ṭhansonak dawnkham le dokalh ka bang. Ruahnak hlawmaw in a ṭhabik hawl sehla, Kan Falam pengpi a ṭhansonak ah …..

No Lai Sum Zo
via
Chinland Herald daily news

Leave a Reply

Your email address will not be published. Required fields are marked *