Evan Thang Zel tei` Inn An Bauh, Paisa Ting 4 an Fir

Hakha, Chin Oo Si veng ih um Evan. Thang Zel tei` Inn cu an um lo sung, Sunpadir ah an bauh ih paisa ting 4 hrawng an fir sak.

Evan Thang Zel te nupa cu October 29, zinglam nazi 10 hrawng ah Rawl-ul thlacam dingin inn an suah san ih an suak hnu nazi 10 le 11 karlak hrawng ah misual in an inn an rak bauh sak.

Evan. Thang Zel cun “Kan nupa in Rawl-ul thlacam ding in zinglam nazi 10 hrawng ah inn kan suah san ih cumi sungah kan inn an rak bauh.” a ti.

An fanu Tlawng sayama pakhat cu inn-hluum dingin an tan ta nan, Tlawng hnaṭuan thawn pehpar in inn a suah san sung te ah misual cu an innsung ah a rak lut.

Evan. Thang Zel cun “Tlawng sayama ṭuan lai mi kan fanu pakhat in inn a hluum. Tlawng sayakyi in caan rei lo te hnaṭuan duak dingin a ko ih a va feh duak. Kan inn khal tawh a kalh ta. Caan reilo hnu, a tlung sal cu kan inn a rak ongaw thluh. Bizu sung ih kan ret mi paisa ting 4 hrawng in fir” ti`n The Hakha Times hnen ah a sim.

Hih hmun kiangkap ah hin tuhlan khal ah thil a hlo ringring nan fifir zo a si timi an thei hrih lo. Fifir tamsawn cu zaan lai ah an cangvai ṭheu nan, hih veng kiangkap ih thil hlo cu Sunpadir ah a si ṭheu ti`n The Hakha Times in a ngan.

Leave a Reply

Your email address will not be published. Required fields are marked *