Election hlan ah Falam Inn-hmun zem Camcawhfung zuuk ding….

Falam khuapi karh project ih a hmasabik innhmun phorhsuahmi hmunram 245 hrang ah November 2 ah camcawhfung zuuknak an nei ding thu theih a si.

Falam khuapi karh project ih a hmasabik innhmun phorhsuahmi zem danding thuthawn pehpar aw in, Chinram cozah le Falam khuaUk ṭuanvonei ṭhenkhat cun October 29, Falam khuaUk zung ah meeting nak an nei ih cuih meeting thusuak vekin Innhmun 245 pawl cu camcawhfung zuuknak thawn Falam mipi hnen ah an zem tum a si.

Falam Tlanglo veng le Cinmual veng ih phorhsuah mi Innhmun 245 lei/camcawhfung zuuk dil nak ca cu phekkhat ah Ks 5000 ngen in Falam Siipin zung lam in September thla ah an rak zuar thluh zo.

Innhmun pawl cu Ziinpi kam ihsin A, B, C ti`n a dotdot ten level ṭhen a siih Innhmun level A hrang ah Ting 20, B level hrang ah Ting 10 le C level hrang ah Ting 5 tiin a man khiah a si.

Camcawhfung zuuk nak thawn innhmun ngah suak tu pawl cun leiram peknak ca ngah hnu ni 30 sungah Bank ah sumpai thun ding a si ih ni 30 sung ih paisa thun thei lo tu cu a innhmun ngah mi lon sal a si ding ti`n Falam KhuaUk zung meeting thusuak cu IPRD Falam in phuang a si.

Leave a Reply

Your email address will not be published. Required fields are marked *