Dr. Pu Run Bik ih Falam Ṭhansozia ngan mi ah CM Pu Lian Luai hmuihmel a lang

A um nak hmun ta piang ih ṭhangsonak hlir khat tertu, Chin patling Dr. Run Bik cun NLD cozah ding hnu, a mai` mithmuh rori ih Falam ṭhansozia cu mipi a hlawm ih zing tluk in Falam khua a ṭhangso timi rak cuan ve aw.

Dr. Run Bik cun, “April 2016 ihsin September 2020 ih Falam khua ṭhanso dan pawl cu hiti vek hi a si. A hmaisa bik ah tuihnu thla li nga ih an theh dingmi thuah thum sang town hall pi vek hi Hakha siar telin Chin ram township 9 ah khui dang hmanah a um lo.

Cule township admin, thuah thum innpi Ks.million 750 ih sak mi, tui ṭheh pekmi khal hi Chin state ih ṭha bik a si tho tho. Khua hlan ih Lai ram rak uknak Zipeng zung kiang khalah zung thuah hnih sak zo a si. Cinmual tlunta lam Taung Zalat zekta timi khal ah innthar pi thuah hnih sak a si zo. Falam cun thuah thum Nun Phung innpi kan nei zik thlang.

Education dept. ah myone le khaziangah building thar 3 hnak ih tam a um. A ṭhang so bik cu Sizing lamah a si ding. Sizung hrang district le township health office thuah 4 pi, cule Nurse Training School ih building pawl le Health dept. Staff housing inn thuah hnih 5 rori, cule sizung hrang rori ah innthar pi 2 sak a si.

Vankau let lam ah fire brigade innpi tlun kiangkap ah building thar 10 tlun a um. Construction dept in tu ah building tum law law,an zung thlang Saya Huat Er inn thuai ah an sak lai. Police pawl hrangah Cinmual tawp Kala thlan lamah innpi thuah hnih sak ṭheh a si.

Falam ah 2016 ihsin national grid electric kan ngah ih Laiva tidai duhtawk le electric duhtawk kan ngah. Lamzin lamah blacktopped tha tuk a um. AG biakinn ihsi OPD fehnak zin ih khaam hrap pi, hi tluk i ziin an kauh tla cu a mak law law.

Cule housing lamah Canmari ah innhlun 4_family 4 um theinak cu family 16 um thei nakah thuah hnih innpi 2 sak a si zo. Nikum lam ihsin Town hall kiang Vengpi biakinn sak ah family 4 ciar um thei nak thuah hnih innpi 3 sak a si. Acozah building na na na ahcun Hakha ti lo cu Falam ah a tha le maksak a tam bik” ti`n Dr. Run Bik cun a mai` bulpak Facebook cahmai ah a ngan.

Dr. Run Bik ih rel mi hmuahhmuah hi NLD cozah ding lai ih tuah ṭheh mi a siih kan duh khal le, duh lo khal le, Falam khuapi ṭhansonak pawl ah CM Pu Lian Luai hmel thlaam a lang kan ti thei a si.

Hminsin : Dr. Run Bik FB cahmai ta le Falam Duhdawttu timi ih ngan khawm mi a si.

Leave a Reply

Your email address will not be published. Required fields are marked *