Delhi um Chin mi lakah Covid – 19 Nat kai thar um

Rapthlak zetin nikhat hnu nikhat Covid – 19 nathrik karhzai, pung vivonak hmun Delhi khawlipi ih um kan Chin mi lakah nat kai hnih-thum an um zo thu theih a si.

Kan dung naite ih kan Chin mi tamzet umnak veng sung ih natnak nei an hmunak kiangkap ah a thar in test nak an nei sal nakih natnei an hmumi pawl lak ah kan Chin mi khal an telve a si.

Delhi hmun tamsawn ah lockdown phelh a si zo ih lockdown phelhnakhmun pawl ahcun Covid – 19 suak hlan ih umdan kelte vekin minung sukso, hnaṭuan an si thlang ruangah nathrih a karh zai ol cuang.

India mifim pawl le cozah lam in a ra lai ding tikcucaan ah hihnakih let tam in natnak a karhzai ding tiin thuphuannak an nei bet ruangah Delhi ih um Chin mi pawl cu an thla a phang ngaingai.

Delhi khawsung lawngah Covid – 19 natnak kai minung 62,655 an um zoih cupawl lak ihsin minung 36,602 damsuak in mipum 2233 an thi zo a si.

Minung hizet thimi lakah Pathian zangfah nakin kan nih mi harsa Chin mi in thihhlohnak tong kan um hrihlo ih hmailam caan khal ah kan him vivo theinak dingin thlacamsak tonaw hram uh si.

Leave a Reply

Your email address will not be published. Required fields are marked *