Delhi ah Falam Tlangval in Covid natnak in Mual in liam san

Delhi ih um Edward Van Lal Dik (kum 27) cu Covid nat kai in thla hrek sung hrawng damloin a um hnu ah a nat tuar loin May 1, zaan nazi 8 luan ah a nunnak a cem.

Anih hi Delhi collage ih tlawngkai a si ih April thla ah dam loin Siizung a thleng. Dam lam pan in Siizung in a suak lawk nan damlo besia sal in Tarak Hospital, Dwarka Siizung ah an tuamhlawm nan a nat tuar loin May 1 ah Leitlun a suah san.

Aruak cu a umnak Champhai Vengthlang (Rahsi Veng) ah tlunpitum a si ih, tu ah, Mizo Welfare hruaitu ṭhenkhat in phurtlung dan ding an tawlrel lai tiah thuthang kan dong.

Apa Tha Lian Kap cu Falam peng Ngalti khuami a si ih, atu ah Champhai ih khuasa a si. Amah Edward Van Lal Dik cu Delhi ah Falam Community ih um a siih Gospel kohhran a si.

Delhi raltlan tamzet umnak C1 ah voi le khat in Covid nat nei an pung zet ih kan dung baite khalah Pacangno pakhat le tlangval pakhat in Covid nat thawn mual in liam san zo a si.

Leave a Reply

Your email address will not be published. Required fields are marked *