December hlan ah Falam Senpi Inn Thar Sak Ṭheh Suak Tum

2019 kum thok lam ihsi sakthokmi Falam Senpi Inn (Town Hall) thar cu zaṭeek 99 tluk an ṭheh thlang ih December thla hlan ah sakṭhehfel an tum thu theih a si.

Inn thar cu Senpi Inn, Municipal zung le parking lot hrangah sak mi a si ih, hih thuthawn pehpar in Municipal zungbawi Pu Van Tun in, “tuhi zaṭeek 99 tluk an ṭheh thlang. Tuthla cem nihnih thum ih ṭhehsuak beisei a si. Tucu sii thuh ding malte lawng a taang” a ti.

Falam Senpi Inn cu Pu Run Bik le Falam khuanu/pa tawlrelmi India Ambassador bomnak kyat taan 465 le cozah budget bet in kyat taan 850 cemliam ih sak mi a si.

Innpi partabik cu Senpi Hall ah an hmang dingih, a lai cu Municipal zung, a tangtabik cu parking lot le Senpi zin-pawng tlannak ah an hmang ding a si.

CH daily news

Leave a Reply

Your email address will not be published. Required fields are marked *