December 7 : Falam, Canmari veng ah Kaangmei A Suak

Falam Canmari veng, YCC thlanglam tower kiang ih Ar zuatnak inn cu tuini December 7, zaanlam nazi 3 hrawngah a kaang thu theih a si.

Meithat mawṭaw pathum lai cun mei phal dingin an pam lohli ih Ar-inn kang cu tidai thawn zit ciamco in mei an phal a si.

Mei phal lai video cu IPRD Falam FB cahmai ah an thlah ih video sung ahcun Ar-inn kang cu mithat mipathum in tidai an zit ciamco ih “Ar 500 hrawng zuatnak inn an ti” tiah mipakhat ṭongawn kan thei thei.

Akang lai ah Ar an um maw?, ziangtin a kang thok tvk cu theihcian a si hrih lo ih, hih thuthawn pehpar in Chinland Herald daily news cun “Falam Canmari veng, YCC thlanglam ih tower kiang ta Ar zuatnak inn cu 3:40 pm hrawngah a kaang ih meithat pawl in mitu nazi 4:00 hrawng ah an hmit fel zo. Milai umnak inn si loin Thawngaa ih Ar tam nawn zuatnak inn a si” tiah Official Facebook cahmai ah a tarlang a si.

Leave a Reply

Your email address will not be published. Required fields are marked *