CSAC Chairman Pu Terence San Mawi Nikhuai a thi

Chin State Administration Council Chairman Pu Terence San Mawi Nikhuai (kum 65) cu a hnaṭuannak Hakha khua ah February 11 zing ah lungphu cawl in a thi tiah theih a si.

Pu Terence San Mawi Nikhuai cu February 3 ihsin Chin State Administration Council Chairman a țuan thok ih, Chinram cozah hotu dinhmun in ni 8 sung lawng a țuan man a si.

Pu Terence San Mawi Nikhuai ih pu Major Kap Cong cu Chin miphun lak ihsin British ralkap ih major ngah thei hmaisabik a si ih, a pa Dr. Ni Khuai cu Chin miphun lakih sibawi hmaisabik a si.

Pu San Mawi hi Falam peng, Lumte khawsuak a si ih, NLD cozah san ah Chinram Chief of Justice dinhmun in cozah hnaṭuan a si. (ChinWorld)