Covid 19 mina pakhat hmusuak bet, Falam ah Covid 19 mina 4 an um

November 19, Falam, Sun Ceu Khan luan ih Harhdamnak Check gate ah Covid 19 mina thar pakhat hmuhsuah bet a siih atufang Falam ah Covid 19 mina 4 an um a si.

Tui ni, November 19, zaanlam nazi 3 hrawng ah Kalay ihsin Surbung Golf thawinak tual hrang ih Miraang leilung, tlakrawh phurtu motor mawng le a thluntu cu Sun Ceu Khan luan ih Harhdamnak Check gate in Covid 19 nat check nak an nei nak ah mi pakhat in nat a nei timi an hmusuak a si.

Falam tualsung um mipakhat cun, “Motor pahnih an so ih motor pakhat sawn mawngtu taksa par ah Covid 19 nat an hmu ih mina cu Falam Siizungpi ah an kuat cih ti`n kan thei” tiah FOM hnen ah a sim a si”.

Nat an hmu mi thawn motor to tlang mipakhat cu Lungpi Quarantine ah an kuat cih ih mi himdam motor mawngtu pakhat sawn cu a motor thawn a phur mi bungrua thlak dingin an lan ter sal a si.

Atufang Falam Siizungpi ih zohkhen mi Covid 19 mina cu November 15 ih hmuhsuah mi Sunthla pa, November 14 ih hmuhsuah mi Tedim mi mipakhat le November 9 ih hmuhsuah mi Kalay ihsin Falam lam pan ih Kuak zuar tum mipakhat pawl an si ih a tu hmuhsuah thar Covid 19 mina pakhat thawn, atufang Falam ah Covid 19 mina 4 an um a si.

Leave a Reply

Your email address will not be published. Required fields are marked *

error: hahahahahaha !!