Covid -19 in FALAM mawinak a ti lang

Health care worker dinhmun in Falam le Covid – 19 thlirnak

Covid 19 thawn pehpar in khawsung huap ih cangvaihnak ṭhazet nei mi khua a si.

Ka sim suallo a si le Chin ram pumhuap ih Volunteer neiṭhabik khua khal a siih Quarantine khum mi pawl khal rilrawng in an ret dahlo. (Ei le inn hrang hlutu zar ah – Ṭuan ṭha hai sehla zo hman in an bawm duh lo ding)

Kawlram sungih covid – 19 nat hmuh hmaisabik ni ihsin daan le dun an thlun ih leng suakvak khalle kuthruh le hmurkhuh bunlotu an um lo ti tluk a si.

Sizung mina vehaw loding tiih daan suahmi khal an thlun ih mina besiatuk ti baklo cu veihvaitu hmuh ding khal an um lo.

Khawsung ah nathrik umlo dingih sii kap pawl khal hnaṭuan an teimak ih mah te kap thei zung tiang khal in an va kap sak thotho.

Pawlkom tete le zung pawl khalin daan an thlun zetih taksa tahnak non contact thermometer khal tlunlam thusuah vekin kan ṭul tiin tuletu rori an ra lak ringring a si.

Hmailam caan khalah tuṭum vekih lungrualnak, teimaknak le tlawmngainak lungthin kan neih thei cun a harhdam mi khua a si dingih FALAM a mawi sinsin ding.

Tluang Cung Thang

Leave a Reply

Your email address will not be published. Required fields are marked *

error: hahahahahaha !!