Covid 19 : Atufang Falam dinhmun le na theih ṭulmi 5

Kan kiangkap neih a si mi Tedim le Falam thawn pehtlaihawknak nei ringring mi Kalay lam ah Covid 19 mina an pung vivo ih cuvek lakah kan khua kan ram him thei dingin Falam Covid-19 Committee in hmalaknak thar an nei.

2021 kumthar ni ih tarlang mivek a si le atufang Falam Siizungpi ah Covid 19 mina an um nawnlo ti a si ih kan khua kan ram himsin dingin Falam Covid-19 Committee in hmalaknak thar an nei sin mi a si.

January 6, 2021 Falam Covid-19 Committee thu relcat mi pawl

1. Zung lam le Company lam hnaṭuan dingin Falam a rami pohpoh cu Falam an luh hlan ah Falam Covid-19 Committee hnen ah mipum cazin ap fekfek ding. Anmah an ṭuannak hmun ah Q ret ding. Falam khuasung ih ṭuantu ding pawl cu Lungpi Q ah ret ding.

2. Kalay le Tidim in a rami pawl cu Covid 19 negative sinak ca an keng le lawng Falam khuasung lut ter ding. Negative sinak ca a keng tupawl lawng Sunceu Gate ah Voikhat Swabs lak ter sal ding. Ca keng lo ih ra pohpoh cu FQ lut ter ding.

3. Hakha ah Local transmission a um nawn lo ruang ah Falam-Hakha Gate cu ret lo ding.

4.Yangon lam in Vanzam thawn a ra tlungmi pawl hmuahhmuah cu FQ ah ni 7 lut ter an si ding ih, a ni 7 hnu ah test negative an sile lawng FQ in suak ter an si ding. Mawṭaw le a dangdang ih rapawl cu FQ ah ni 14 ret an si thotho ding.

5. Falam ah positive le tualsung um Covid 19 nat nei an um nawn lo ruang ah Falam in Hakha a feh tu pawl “sawbs test” ṭul lo in olten luh thei ding ah Falam GAD in a rangthei bikin ṭuanvo lak ding.

Leave a Reply

Your email address will not be published. Required fields are marked *