Cong Heng khua pawl in Falam khuapi hrangah Mawṭaw khat rorin Lo rawl phunphun an hlu

Kawlram buainak le Covid boruak ah harsatnak phunphun thawn Falam mipi kan talbuai lai ah kan unau a si mi Cong Heng khua pawl cun mawṭaw ṭhipkhat rori`n Lo rawl phunphun Falam mipi hrangah an hlu a si.

Pengpihuap in harsatnak phunphun kan tuar lai ah hivekih mi zawn ruattu unau kan nei hi cu a sunglawi tuk rori ih Falam mipi in San khuk deih in kan mang camcinding a si.

Lo rawl phunphun cu a ṭultu pawl hnen ah zem vivo dingin pawlkom ṭhenkhat in ṭuanvo an la tiah theih a si ih ni khua sia lakah phunzai loten kan khuapi hrang hna a ṭuan rerotu pawlkom tintian par ah Falam mipi in simcawklo lungawinak kan nei a si.

July 21 khalah zohṭhimtlak Salai Za Nei Sum te unau in Falam mipi hrangah ti`n an Lo suak Antam dip hra rori an hlu ih We Love Falam pawlkom in Pathang Khan tang ta zin ih hang hnah hang rah dum nei lo deuh pawl an zem suak tiah theih a si.

Hmailam tikcucaan khalah sumsaw in maw? Lo rawl phunphun thawn maw? Falam mipi hrang hlu theih ringring a si ih a hlu duhtu pawl cun We Love Falam le CRCDF pawlkom hnen ah ziangtiklai khalah pehtlaih theih ringring an si.

Leave a Reply

Your email address will not be published. Required fields are marked *