CNO/CNDF thawn pehparmi thuthang diklo simfiahnak

Atufang Chinram hriamkai karlak boruak sosang tertu Moses Kim Tuang holh thu thawn pehparin thuthang diklo tamzet a suak.

Amah hi ZPCC (Zomi Political Coorrdination Committee) sungtel a si ih, 2021, November 29 ah ca poimawh (Zogam Charter) phurin Kalay ihsin Tedim lam a pan lai ah a hlo ti a si.

A hloh thu ah Chinram Hriamkai į¹­angrual “CJDC” sungtel a si mi hriamkai pawl in an kai ih an hrem hnu ah a nunnak an ti cem tiah ZPCC le hriamkai ZRA kopawin January 6 ah puhmawh awknak ca an suah.

Cumi ca an suah hnu reilo ah kan dungkum ih Chin National Organization in doawkthu an phuang ih tarlang cihmi zuk pakhat cu online ah tumtah neiin an thlah ih, zuk sung ih dunglamhoi hnipuan pangai hruhtu cu “Moses Kim Tuang” a si ti`n January 6 ih ZPCC le hriamkai ZRA thusuah thawn an tarlang tlang.

“Moses Kim Tuang” thattu tiih puhmi CJDC sungtel hriamkai pawl lakah CNO/CNDF hmin cu an tarlang tel lo nan CJDC sungtel pakhat a si ve mi CNO/CNDF zuk pawl an tarlang sak dan ah, an nih khalin an theihpi ko ding tiphun in thuthang diklo hmutu/zumtu pawl in an rak ruat thei. Cuti a si tikah puhawknak zuk tarlangmi cu thupi zetah a cang.

Tongsan Media Group Inc. timi phei cun cuih zuk le mithat puhawknak thusuah cu an tarlang kop ih, laknak Hram cu Zomi Political Coorrdination Committee tiah an tarlang. Bulpak ih tarlang mi khal FB cahmai ah hmuh ding a tam ih a malh zotu khal an um.

Nan, atak ahcun CNO/CNDF zuk an tarlang sawngmi zuk sungih “Moses Kim Tuang” an timi cu thil cang thei lo lawlaw a si.

Asancu, cuih zuk cu 2021, November 17 ih tarlangmi a si ih Moses Kim Tuang a hlo an ti cu 2021, November 29 ah a si. A hloh hlanpi ih zukmi sungta cu Moses Kim Tuang a si an ti. Cuhleiah CNO/CNDF į¹­uanvonei mipakhat khalin Moses Kim Tuang a si lo thu a nemhnget ih a hloh thu khal cipciarin kan theihpi lo a ti.

November 17 ih CNO/CNDF thusuah kimciang zoh na duh le hinah hmet ….. Thusuah

Leave a Reply

Your email address will not be published. Required fields are marked *