CNO/CNDF in CDM tuahlotu Khawmi pahnih an kai nak san relfiang

Chin ramkulh, Falam peng hrambun CNDF/CNO in CDM tuahlotu khawmi pahnih an kai nak san cu mipi lam ihsin sutfiahnak a um ruangah thu um dan an sim fiang.

Peng huap in CDM tuahlotu an um hnihthum nan cumi tuahlo men ah kaihawknak tivek cu CNDF lam in an tuah lo ih, atu CNDF kut sung ih um Non-CDM`er 2 cu mipi lam ihsin heeknak a um ruangah le thuhla felfai zirzoi hnu ah thusut ṭul dinhmun an si ti a fiang ruangah CNDF in kan hruai sungmi a si ti`n an simfiang.

CNO ṭuanvonei mipakhat cun “kiang le kap mipi hnen ihsin report nak a um tam tuk zo. Kan dungkum september lam ihsin report awknak a um zo. Cun, kan nau le pawl in hmunram thianfainak an tuah tikah hipawl an um cun kan him lo tiah in sim. Asinan cuvek thil um ruangah kaihawknak zianghman kan tuah hrih cuanglo.”

“CNO/CNDF in khawte pawl ah thungaithlak ih Tlawng on ding a si cun an mah pawl an um le a cang thiam lo tiah ruah a si ih …. an thuhla zirzoinak kan nei bet tikah …. ralhraang ralkap hnen ah rank khaisan duh ah Hakha ah a thlathla in Tlawng an kai ti kan hmusuak.”

“Curuangah thil cang thei lo a si ti`n tlunlam upa siannak thawn kan ralkap pawl in an va hruai mi a si ih, atu ah kan zung ah kan kilkhawi. Hremawknak tivek zianghman a um lo ih daan pangai thlunin kan kil khawi hrih ko. Tlunlam, thurelnak a um vivo hnu ah ziangtin a si ding ti cu an mah sungte pawl hnen khalah kan sim lai ding” tiah a ti.

CNDF/CNO kut sung ih um Non-CDM`er 2 cu zo pawl an si ih khawi hmun ih hnaṭuan an si timi siseh, khawi ah an kai tivek khal an rel tel lo.

Leave a Reply

Your email address will not be published. Required fields are marked *