CNO/CNDF cun SAC ralhraang an Do nak thuhla fiangfai zetin a phuang

Chin National Defense Force cun April thla ihsin thok, thla 4 sungah SAC ralhraang thawn voi 8 kapawknak an nei mi ah ralbawi telin ralhraang 100 lenglo an thi thu le hriamtuar 40 lenglo an um thu an phuang a si.

Falam peng lawng siloin Lairawn (Kalay sehvel) lam tiang ralhraang do bawmnak an nei mi ah CNDF lam in mi 8 in nunnak an hlan ve.

Chin National Organization hohami CNDF ṭuanvonei mipakhat cun “kannih CNO\CNDF cun thla 4 sungah Falam peng sung lawng siloin Kalay, Kabani ,Tharsi le Tanphu kiangkap tiang ralhraang donak ah midang bawm in kan tel. Ralhraang thawn voi 8 kan doawk nakah ralbawi telin ralhraang 100 lenglo kan thianfai. Kannih CNDF lam khalah miraltha 8 cun ram le miphun hrang an nunnak an hlan a si” tiah a ti.

CNO\CNDF cu NUG le CRPH thawn hnaṭuantlang in mipi lamṭang tlangpar hriamkai thawn kutzakai in ralhraang do an tum hlei ah CNF,ZRO (E), CDF, le PDF pawl thawn Federal Democracy uknak ngah hlan lo hmainor an tum vivo thu an phuang a si.

Leave a Reply

Your email address will not be published. Required fields are marked *