CNLD in MP zuamtu Ding Pawl Nemhnget Zo

Chin National League for Democracy (CNLD) zungpi cun November 8 ih rampi hril awnak ah CNLD aiawh in MP a zuamtu ding pawl nemhngetnak cu July 20 ah a tuah a si.

Cuih CNLD central meeting ahcun party aiawh ih MP zuamtu ding hmin cazin pawl zohfel nemhngetnak le ramṭhen 3 pawl ih Chin Affairs Minister hrang hrilnak pawl an nei tiah theih a si.

Atufang CNLD Central GS ṭuanmi Salai Ceu Bik Thawng cun,”tuni ah CEC sungtel 35 lak ihsin mipum 24 kan kaai thei. Adang pawl cu township cio ih ṭuanvo kaihmi an um ruangah an tel thei lo. A kaai theitu pawl in township tinkim ih kuatmi MP zuamtu ding cazin pawl zohfelnak le nemhngetnak, Sagaing, Magwe le Rakhine ih CAM hmun zuamtu ding hrilnak pawl tluang te`n kan tuah suah” tiah Chinland Herald Daily News hnen ah a sim.

CNLD cun Chin ramkulh sungih township 9 zate ah an lut thluh dingih ramṭhen pawl ih CAM hrangah Central CNLD ih hrilmi pawl cu Sagaing ramṭhen ah Pu San Thawm Thang, Magwe ramṭhen ah Salai Than Win Khaing (Mai Cherry Zahau ih pasal) le Rakhine ramkulh ah Salai Tin Oo pawl tla an hril ti`n meeting kaaitu pakhat in a sim.

Chin ramkulh sungih township 9 zate ah CNLD cun an lut thluh tum hlei ah Kalaymyo ih ramṭhen no.1 ah Pu Chan Bik Lian, ramṭhen no.2 ah Pu Thian Za Bawi, Pyithu hluttaw ah Pu Tawk Kap, Amyotha hluttaw ah Pu Dai Cin Pau pawl an lut dingih Magwe ramṭhen sungih Minhla, Mindong, Saw, Taungdwingyi, Ngaphe le Htilinn myone pawl ih hmun 8 khal an lut ding tiah theih a si.

CNLD ihsin Falam ih MP zuamtu dingah committee ih hrilmi Salai Tawk Za Lian, Pu No Than Kap, Pu Hrang Kian Lo le Salai Nhgepi Thian Uk Thang tepawl khal Central in nemhngetnak an nei a si.

CH daily news
zuk: CNLD official FB

Leave a Reply

Your email address will not be published. Required fields are marked *