CNLD Hmin Hmang Thup Tu Party fate Le Palai An Um – Salai Ceu Bik Thawng

A ra lai ding mi 2020, November thla Myanmar rampi hrilawnak hrang timlamnak nei rero lai mi CNLD party hmin hmang ih mipi thlem rero tu party fate le palai an um mi thu ah CNLD sungṭuan Salai Ceu Bik Thawng in Duwun hnen ah simfiahnak a nei.

Tu dinhmun tiang CNLD party in party dang a kop timi khih hmuh ding a um lo nan party fate le palai ṭhenkhat cun CNLD thawn ṭuan tlang ding mi party kan si ti`n khua dangdang ah vak in mipi an thlem.

Hih thuthawn pehpar in CNLD ṭuanvonei Salai Ceu Bik Thawng cun “Kan party hmin hmang ih cangvaitu party fate le palai ṭhenkhat an um ruangah ကြံ့ခိုင်ရေး le NLD in party dang thawn kopaw ah in puh phah thluh ih simfiangnak kan nei phah thluh.”

“Tu dinhmun ah Chin ram le kan zuam nak ding hmunram pawl ih kan cah tuk ruangah party fate le palai ṭhenkhat cun kan mah party thawn ṭang tlang mi si vek in mipi an rak thlem.”

“Hitivek ih thil ti ding a si lo. UEC daan suah mi thawn khal a kalhaw mi a si. UEC hnen tiang lawmam cu kan report lo ih an mah party le palai pawl sawn kha kan party hmin hmang nawnlo dingin simthannak kan nei” tiah Duwun hnen ah a sim ih “himi simfiangnak hin mipi lung a ti fiang ding kan zum” a ti.

Leave a Reply

Your email address will not be published. Required fields are marked *