CNF le Kawl Ralkap tongaw thu ah Chinmi in nasa zetin soisel

March 10 ih Chin National Army/Front le kawl ralkap pawl ziinpi ah thureltlang in an tongaw hnu, CNF Camp lamah kawl ralkap an lan cih timi thu ah Chinmi tamzet in nasaten an soisel a si.

Ziang thu an reltlang ti cu theih a si lo ih, hih thureltlangnak ah kawl ralkap lei hi motor le motorcycle thawn an si ih minung 40 hrawng an kim tiah theih a si.

Kawl ralkap pawl Victoria Camp lam an feh thu ah, Tlangpi khuami mipakhat cun “Kawl ralkap pawl in nan camp ah len kan duh an ti nan Dr. Sui Khar nih a duh lo. Asinan, thu an reltlang hnu ah kan lo leng duh hrimhrim an ti ih leng dingin CNF camp lam ah an feh. Amah Dr. Sui Khar le a rualpi dang cu Hakha lam an pan. Thinphan ding cu a um lo” a ti tiah The Hakha Post in a ngan.

Chin ralkap ih kan rinsanbik mi CNF le kawl ralkap antongaw thu ah siseh, Victoria camp lam tiang Kawl ralkap an va feh timi thu ah Chinmi in nasaten an soisel ih “camp tiang rori kawl ralkap lut ter cu a zah thlak tuk” “CNF cu rin an tlak nawn lo” “CNF cu Kawl ralkap lam ah a ṭang zo” titiang in soiselnak ca an ngan a si.

Leave a Reply

Your email address will not be published. Required fields are marked *