CNDF ralkap Salai Lal Tan Pi in ram le miphun hrang nunnak hlan

CNDF ralkap Salai Lal Tan Pi cu February 7 ah ram le miphun hrang ralhraang do in a nunnak a cem a si.

“Zinglam nazi 10-12 karlak doawknak ah ralṭha zetin ram le miphun hrang nunnak a hlan ih semsuahtu a Pa Pathian ṭanghlum ah in cawlh san. A ralkappi pawl in kan ui zet ih a sungte rualin kan tuarpi ve” tiah a rualṭha pakhat in a rel.

Amah hi CNDF Kalay tatmaha Vakok tatyin ihsin ram le miphun hrang ralhraang dotu a si ih a duhdawtmi ram le miphun hrang nunnak a hlan thu cu VAKOK – CNDF khalin siseh CNO/CNDF khalin khawtlang mipi an sim thei zo.

February 7 zinglam nazi 10 hrawngih, Kalay peng ralhraaang do nakah meithltum hriam tuarin a nunnak a cem mi a si. Doawknak ah hriamkai ṭangrual pawl in ralhraang 17 an that thu, tlangthannak an nei.

Kum 19mi Salai Lal Tan Pi in ram le miphun hrang nunnak a hlan thu ah CNO/CNDF in Suunnak Capi an suah ih a sangbik upat peknak an nei. Ralhraang kut tuar ih a nunnak a liam ni, February 7 ah a ralkappi Vakok CNDF in upatpeknak neiin an vuiliam tiah kan thei.

Leave a Reply

Your email address will not be published. Required fields are marked *