CNDF bomb kammi palngahtu Ralhraang pawl hriam tuar tam : Report

2022, January 4 ah Falam peng ih hmunram haaltu ralhraang SAC ralkap pawl cun CNDF bomb kammi an pal puak ih hriam tuar an tam hlei ah mipakhat thi ding zum a um thu, Chin National Organization in thu an suah a si.

Bomb palpuaktu cu Falam peng, Tibual Sakhaan ih um SAC ralhraang pawl an si ih, tuizing nazi 10 hrawngih hmunram an haal nakah CNDF bomb kammi an pal puakmi a si.

CNO thusuahmi ahcun bomb palpuaktu ralhraang pawl cun hriamhreipi le meithal thawn kiangkap an kap ciamco tiah an tarlang.

Cuhleiah zaanlamhnu khalah mina phur dingin Tibual Sakhaan kiangkap cu tlunzuang hmangin an heelkual rero tiah CNO thusuahmi ah an ngan tel a si.

Leave a Reply

Your email address will not be published. Required fields are marked *