CNDF telmi doawknak Voi 10 lenglo ah ralhraang SAC ralkap 100 hrawng thi

2022, March ihsin April thla tiang CNDF ralkap telmi ralhraang thawn doawknak voi 13 a suak ih kahdonak ah ralhraang SAC ralkap 105 an thi thu, CNO/CNDF thusuahnak thawngin theih a si.

Doawknak thusuah ah Chin ramkulh, Falam peng le Lairawn lam ih doawknak tiang ngan khum cih a si ih, cuih tikcucaan sungah CNDF lam ihsin hriam tuar 4 le ralhraang kut tuar mi 6 an um ve a si.

Ram le miphun hrang nunnak hlantu CNDF ralkap cu Ṭaal-Tlangzar doawknak ah 1, Kalay Thawnginn buainak boruak ah 2, Rihkhawdar doawknak ah 3 ti`n zatekom mi 6 an um a si.

May thla khalah Falam peng doawknak ah ralhraang SAC ralkap tampi an thi ti a si ih, bomb cangsualnak ruangah CNDF ralkap pakhat a nunnak a liam ti`n thuthang kan thei.