CNDF ralkap in Rihkhawdar ah ralhraang SAC ralkap 2 kap that

Chin ramkulh, Falam peng, Rihkhawdar no 2 ih kilhimnak lam ṭuanvo latu ralhraang SAC ralkap 2 cu March 7 ah CNDF ralkap pawl in an kap that tiah CNO thusuahnak thawngin theih a si.

Kahdonak thawn pehpar in “Rihkhawdar khua veng no(2) hmunkhuarnak ih kilhimnak ṭuanvo latu Ralhrang SAC ralkap pa (2) cu March (7) ni zanlam nazi (3) hrawngah Chin National Defense Force (CNDF) in kan va kap ih a hmun rori ah ralhrang ralkap pa (2) an thi” tiah CNO/CNDF in March 9 ah thu an suah.

An kap that mi ralhraang ralkap 2 cu March 1 ih Rihkhawdar khua veng no (2) ih ralhraang 30 hrawng umhmun khuarnak, kilhimnak lam ṭuanvo latu pawl an si.

March 5, zinglam nazi 6 hrawng khalah CNDF le hriamkai ṭangrual pawl cun Rihkhawdar ih ralhraang umhmun khuarnak an kap ih ralhraang ralkap 5 hrawng an thi.

Zinglam nazi 8 hrawng khalah CNDF le hriamkai ṭangrual pawl cun Rihkhawdar No 1 veng ih ralhraang hmunkhuarnak cu ṭanhmun ṭhekaw in an kap bet ih kahdonak ah ralhraang SAC ralkap 4 an thi tiah theih a si.

Leave a Reply

Your email address will not be published. Required fields are marked *