Atufang Chinram Hriamkaibu ṭangrual pawl ih dinhmun

Atufang Chinram doawknak thu thawn pehpar in SAC ralhraang lam an tuar na tiah theih a si ih, CNF Spokesman Salai Htet Ni khalin Pathian kutcak a lang ih kan ral pawl kan neh rero a ti.

Salai Htet Ni cun “Mizapi thlacamnak hmual a na ih a tikcucaan lo ah Pathian in Chinram ah ruah a surter. Mero a zaam ter ih, kan ral pawl cu ruahpi le khawsik in a phom hai. Mero a zaam ruangah ralhraang pawl in in hmu thei lo.”

“Culaiah Pathain in kan meithal le cerek tete in hmang sak ih kan ral cu kan neh. Pathian hnen ah lungawi thu in simpi uh law” tiah a ti.

Atufang hi Chinram siatsuah dingih ratu SAC ralhraang pawl cu an feh tum nak thleng khuasuak thei lo in Falam peng ah an tang lai fang a si.

Falam ihsin an poksuak hnu, Falam-Hakha lamziin tluan ah Chinram hriamkaibu ṭangrual pawl in lungrual zetin an rak do ih ralhraang 20 lenglo an thi zo tiah theih a si.

Cuihtlunah Falam tat-kung lam in ralhraang pawl in meithaltum thawn amalbik voi 5 tal an kap bawm zo nan tuhrih tiangah Chinram hriamkaibu lam ah khawngaw le hriamtuar thuthang theih ding a um lo.

Tudinhmun ah SAC ralhraang pawl cu Ṭaal kiangkap ah an tang lai ih, Chinram hriamkaibu ṭangrual pawl in Lamziintluan ih an rak kap nakah ralhraang mawṭaw 15 hnak ih mal lo a siat zo.

Falam peng ih an kap aw thok hnu, tuini tiangah paralṭha kan Chinram ralkap pawl an dinhmun a ṭha lai tiah thuthang kan dong a si.

Leave a Reply

Your email address will not be published. Required fields are marked *