CNA/F bawmnak kan ṭul, In bawm ngam lo khalle an Meithal tal in hmangter hai seh – Mino Auaw

Ralram bang in meikhu, bomb puak le meithal puak awn thawm thang nak Tahan ih mino pawl cun Kawl ralkap le palik pawl do nakah CNA/F ih ṭanpinak an beisei.

Mino pakhat cun “Kawl ralkap pawl an ṭih tuk maw siding? Maw, kan dung baite ah CNA/F camp lam ah ralkap pawl an feh tivek le a um tikah kawl ralkap thawn an ṭang tlang si pei maw tivek lamlam ka ruat phah thluh”.

“Atu hi cangvaihnak caan ṭha bik a si. Tu ṭum ah cangvai lohli hai sehla a hlan ih an san thuanthu mawi lomi pawl khal kan hngilh thluh dingih Chin mipi hum tu Chin ralkap dik tiah kan pom thei ding.”

“Kan Chin mino pawl an thi thluh hlan ah in bawm lohli hai seh. In bawm ngamlo a si khal le an Meithal tal in hmang ter hai seh” tiah FOM hnen ah a sim.

Chinmi tamzet umnak Lairawn ah kawl ralkap, palik le mipi pawl cu March 28 zaan lam in an kap aw thok ih hriamhrei meithal an hman mi a thlauawtuk ruangah, tutiangah mipi lam in amalbik mipathum an thi zo. Hliamhmatuar khal minung 20 hnakin an tam zo.

Cuvek dinhmun a si ruangah kan Chin mipi cun Chinram ih hriamhrei keng ralkap umsun CNA/F ih bomnak an beisei hi a si.

Leave a Reply

Your email address will not be published. Required fields are marked *