CNA/F bawmnak kan ṭul, In bawm ngam lo khalle an Meithal tal in hmangter hai seh – Mino Auaw

Ralram bang in meikhu, bomb puak le meithal puak awnthawm thang nak Tahan ih mino pawl cun SCA ralkap le palik pawl do nakah CNA/F ih ṭanpinak an beisei.

Mino pakhat cun “Kawl ralkap pawl an ṭih tuk maw siding? Maw, kan dung baite ah CNA/F camp lam ah ralkap pawl an feh tivek le a um tikah kawl ralkap thawn an ṭang tlang si pei maw tivek lamlam kan ruat phah thluh”.

“Atu hi an hrang ah cangvaihnak caan ṭha bik a si. Tu ṭum ah cangvai lohli hai sehla a hlan ih an thuanthu pawl khal an cang ṭhat nakin a khuh hlo thluh ding.”

“Kan Chin mino pawl an thi thluh hlan ah in bawm lohli hai seh. In bawm ngamlo a si khal le an Meithal tal in hmang ter hram hai seh” a ti.

Chinmi tamzet umnak Lairawn ah SCA ralkap, palik le mipi pawl cu April 7 zingpit in an kap aw thok ih hriamhrei meithal an hman mi a thlauawtuk ruangah, tutiangah mipi lam in amalbik minung 12 an thi zo. Hliamhmatuar khal an tam ih kaihkhih tuar khal an um.

Cuvek dinhmun a si ruangah kan Chin mipi cun Chinram ih hriamhrei keng ralkap umsun CNA/F ih bomnak an beisei a si.

***Repost

Leave a Reply

Your email address will not be published. Required fields are marked *