CNA/CDF in Bomb hmangin Timit Lilawn puah siat

SAC ralhraang cangvaihnak dawn kham dingin Hakha le Thantlang karlak ih a um mi Timit Lilawn cu bomb hmangin CNA/CDF in an puah siat tiah theih a si.

SAC ralhraangrual cu Thantlang zin lam pan in October 21 zaanlam nazi 2 hrawngah an poksuak ih Lamtluan ah khuami 10 lenglo an kai.

Cupawlcu ralkhamphaw ah hmangin Timit lam pan in hmai ah an fehter ih, Thantlang lam fehlan theilo dingin CNA/CNF in Timit Lilawn an siat termi a si tiah kan thei.

SAC ralhraangrual in ralkhamphaw ih an hmanmi khuami pawl cu zaanlam nazi 5:30 hrawngah an thlah thluh saal.

Timit Lilawn an siatter lai video tawi cu online ah thlah darh a si ih a thlahtu Daniel Sakhong cun “ni dang vek sisehla cu Timit Lilawn a siat ruangah kan riahsia zet ding. Asinan tuvek dinhmun ahcun a ṭulmi pawl kan tuah bet vivo a ṭul ko.”

“Hakha ah Kawl ralkap pawl an lut ruangah maltakte hman tha sia in um hlah. CNA/CDF le Chin miphun zate`n ziangvek miphun kan si timi kan langter ding. Kan tuah bet dingmi pawl a ra vivo lai ding” tiah a ti.

Leave a Reply

Your email address will not be published. Required fields are marked *