CM Pu Salai Lian Luai in Tlauhmun Electric onnak a nei

Falam peng, Tlauhmun khua ih Electric onpuai cu January 9 zaanlamri ah hluanghlai zetin tuahsuah a si ih Chinram Chief Minister Salai Lian Luai in onnak a nei tiah theih a si.

Electric onpuai ah CM Salai Lian Luai le Chinram Siipin bawi U Seo Htet in thucahtawi simnak an nei ih inntek lam khalin lungawi thusimnak an nei.

Falam tualsungum mipakhat cun “Chinram cozah ṭuanvonei ṭhenkhat in Falam peng ṭhanso hmalaknak thawn pehpar in khuate ṭhenkhat halnak an nei ih January 9/1/20201 ah Tlauhmun Electric onnak an nei cih.”

“2020-2021 ah Tili, Tlangkhan, Khengkang, Khawrua, Cerhmun, Rallang, Lianduh, Zathlir le Khuangli telin Falam peng khuate 10 luan in meisa an ngah. Tuah, Tlauhmun khua khalin 24×7 in meisa a ngah thlang ding” a ti.

Falam peng, Tlauhmun khua ih meisa cu kum 2019-2020 Chinram cozah budget kyat 117 cemlaim in tuah mi a si ih, tuah, Tlauhmun khua ah nazi 24 in meisa a ngah thlang a si.

Leave a Reply

Your email address will not be published. Required fields are marked *

error: hahahahahaha !!