CM Pu Salai Lian Luai aiawhtu Chinram Hruaitu Thar

Myanmar ralkap in rampi thuneihnak a laak hnu nihnih sungah cozah thar din in rampi hrang lairel khuakhannak tuah tu ding council thar a din ih ramṭhen/ramkulh cozah hruaitu pawl khal a mai` duhmi mithar a ṭuan ter.

Ramkulh/Ramṭhen hruaituding hrang ih hnaṭuan a pek tharmi pawl cu – U Khet Ṭhin Nan (Kachin ramkulh), U Khin Mg Oo (Kayah ramkulh), U Saw Myint Oo (Kayin ramkulh), Dr. Ta Tin Htee (Mon ramkulh), Dr. Aung Kyaw Min (Rakhine ramkulh), Dr. Ta Kyaw Thun (Shan ramkulh), U Mg Mg Lin (Sagaing ramṭhen), U Tin Lwin (Magway ramṭhen), U Mg Ko (Mandalay ramṭhen), U Myo Shew Win (Bago ramṭhen) le CM Pu Salai Lian Luai aiawhtu ah Pu San Mawi Nikhuai pawl an si.

Ralkap cozah thar in Ramkulh/Ramṭhen Uktu ding hnaṭuan a pek mi pawl

Chinram hruaitu thar Pu San Mawi Nikhuai (Chin State Administrative Council Chairman) cu NLD cozah san lai ah တရားလွှတ်တော်ချုပ် တရားသူကြီး dinhmun in hna rak ṭuantu a si.

Amah cu Falam Peng, Lumte khuami a si ih Chinmi lak ihsin F.R.C.S & M.B.B.S ngah hmaisabiktu Dr.Ni Khuai ih fapa a si.

Leave a Reply

Your email address will not be published. Required fields are marked *