Chinram hriamkai ṭangrual pawl in ZRA ralrin an pe

Tuhrawng, Chinram thuthang ngaihsak hlawh zet pakhat cu CNF telin hriamkaibu kopaw pawl le ZRA an doaw thu hi a si ih, hih thu thawn pehparin siseh, ZRA in mipi humtu hriamkai pawl a ti buai bet cun Chinland Join Defense Force ralkap pawl in kan do leet ding ti`n Chinland Joint Defense Committee ih ṭuanvonei mipakhat in a rel.

Amahcun “zomi ram ah ZRA baaklo hriamkaidang kan um siang lo tiih policy an nei ruangah CJDC member a simi PDF-Zoland le CDF-Tonzang cangvaihnak a ti har phah thluh.”

“ZRA lamin in tibuai thei ringring ruangah le SAC ralhraang dotu hriamkai pawl an tibuai ruangah ZRA le kan karlak boruak cu atu hnakin a sosang sinsin thei” tiah a rel ih “Chinland Join Defense Force – CJDC member le tualsung hriamkai pawl hnaihnoknak an tuah saal pang cun CJDC in a do leet ringring thlang ding” a ti.

ZRA hin Dothlengnak ih pumpeawtu hriamkai pawl umhmun khuarnak voi 3 lai an luhcilh zo ih, an neihsun hriamhrei ralthuam an laksak hlei ah mino ṭhenkhat kut an thlak. December thla thok khalah Zoland-PDF hruaitu Pa Cin Sian Sum an kap that tiah theih a si.

Siarcih : Pa Cin Sian Sum kap thattu bulpakin thei fel zo

Pa Cin Sian Sum kap thattu bulpakin thei fel zo

Cutiih, Dothlengnak ih pumpeawtu hriamkai pawl harsatnak an pe hlei ah CNF do tum in ralhraang SAC ralkap pawl thawn an biakaw tiah thuthang a suak ruangah CNF le PDF/CDF hriamkai ṭangrual pawl cun December 17 ah an va kap tiah theih a si.

Cuih ṭum, doawknak thu thawn pehpar in CNA/CNF ih ṭuanvonei Salai HtetNi cun a hnuailam bangtuukin a rel a si.

“December 17 ah CNF, CDF-Hualngo, Zoland PDF le ZNDF tangrual pawl in ZRA an do timi cu thudik a si. Kan va do naksan cu CNA le tualsung hriamkai pawl nuai ciimit tumin Tedim ih SAC ralhraang thawn an biakaw ti`n CDM tuahtu hnen ihsin thuthang kan dong.”

“Cuihtlunah kan ram in nor ti`n kan hmu ruangah doawknak a suak hi a si. Tuṭum hi CNF le tualsung hriamkai pawl ṭangrualin ZRA kan do hmasabik ṭum a si ih doawknak ah ZRA lam ah mi 5 an thi. Kan nih lam ah hriam tuar khal kan um lo” ti`n Salai Htet Ni cun a rel.

December 17 ih doawknak thu thawn pehpar in ZRA ih ṭuanvonei mipakhat cun CNF le tualsung hriamkai pawl thiam lo a coter ih “ngaidam in dil le dillo cu ret hrih in a tikcucaan a thleng leh ding” tiah a ti.

Siarbet : ZRA lamṭang pawl in Mizo kan unau hnen ah zualko

ZRA lamṭang pawl in Mizo kan unau hnen ah zualko

Leave a Reply

Your email address will not be published. Required fields are marked *