Chinram Doawknak thu pawl SAC ralhraang in thup hlo thluh tum

SAC ralhraang in Thlanglam laitlang Mindat le Kanpalet ih nihnih sung doawknak thu pawl a pholang duhlo tikah Leitlun mipi hmai ih langter duhlomi thil ṭhalo (Raldo PhungDaan pahbal) tuahmi a nei si pei maw tiah thusutnak a um.

“Ruah ding tampi um. Kan dung May thla lai hrawng ih Mindat doawknak khalah Lungmitter theimi meikhurang suak telmi ralthuam an hmang tiah khuami hnen in kan thei zo.”

“Tuṭum khalah Lungmit terin thawthawt har le Lei tiang dumter theimi ralthuam an hmang tiah raldonak ih telvetu hnen in thuthang kan dong.”

“Cuvek a si tikah raldo phungdaan pahbal ih cangvaihnak an nei mi langsuak ding phang ah thuthang an suah duh lo khal a si thei” tiah rampi boruak le raldo phungdaan theitu Chinmi mipakhat cun FOM hnen ah a sim.

Raldonak a suak tikah International community ih phungdaan tuahmi thlun ding tamzet a um ih cumi ah “datkhu telmi hriamhrei (chemical and biological weapons) hmansian a si lo” timi a tel ve.
Cumi cu voikhatnak Leitlun ralpi a suak hnu in hman kham thokmi a si.

Cuih tlun ah 1972 le 1993 kum ah datkhu telmi hriamhrei thu ah daan thar an tuah bet ih chemical lole biological ralthuam tuahnak bungrua pawl rikhiah nei in khawlkhawm an kham ih hmun khat ihsin hmundang ih kuataw khal an kham cih a si.

Mindat le Kanpalet mipi humtu ralkapbu ṭang tlangin SAC ralhraang thawn nihnihsung doawknak ah ralhraang lam ah 8 hnakih mallo mithi an um thu le mipi lam ah 1 thi in 10 hrawngin hriam an tuar thu CDF in tlangthannak a nei.

Leave a Reply

Your email address will not be published. Required fields are marked *