Chinram Tlawng Saya/ma telin Non-CDMers pawl ralrin an pe

Chinram ralkap komkhawm CJDC (Chinland Joint Defense Committee) hmin in Dothlengnak thawn pehpartu Chinram ukhruainak pawlkom dinmi Tlawng pawl lawng ah fa le tlawngkaiter dingin nu le pa an forhfial ih, Non-CDMers pawl ralrin an pe cih.

2022, May 30 nikhenmi CJDC thusuah ah Min Aung Hlaing hohami ralhraang SAC ralkap in June thla thok ihsin rampumhuap Tlawng pawl an ong tum thu siseh, Tlawng on tum mi cu leitlunpi hmai ah ramsung ukhruaiawknak a pangai ko tiih langter duh men ah an ong sawn mi a si ti`n CJDC in a pom thu an tarlang.

Thusuah cang 4 tarlang a si ih apathum nakah “mipi lam in ralhraang fimzirnak lam le ramsung ralhraang ukhruainak dokham hmalaktlang nakah Chinram ukhruainak pawlkom pawl ih dinmi fimzirnak pawl lawng ah fa le pawl Tlawngkaiter dingin mipi forhfialnak an nei cih.

Cumi dokalhin ralhraang fimzirnak le ukhruai hmalaknak tluang thei nak hrang a telvetu Non-CDMers pawl cu CJDC in nazetin daantat hmalaknak a nei ding tiah an tarlang.

Leave a Reply

Your email address will not be published. Required fields are marked *