Chinram San Thuanthu ih Hngilh ni um lo ding mi Ni ropi kan thleng …

Chin ramkulh sungih ṭhehsuak fel mi Airport hmaisabik, Surbung Vanzam tualrawn ah October 27 ah a hmasabiknak Vanzam a ṭum suak.

Zinglam nazi 10 luan hrawng ah minung 70 tlem mi ATR 72 Vanzam cu Surbung Airport ah tlungten a ṭum suak ih Falam khua Nu/Pa suak thei sun le bawi upa ṭhenkhat in ropi zet in an rak hmuak thei.

VP2 Pu Henry Van Ṭhio le CM Pu Salai Lian Luai khal vanzam tualrawn rori ah an thleng thei ih vanzam awn le mipi lungawi awthawm cu Surbung ah a thang ṭheh a si.

Tipi thuanthum ihsin feet 6000 sangnak ih sakmi Surbung vanzam tualrawn cu kum 2015 ihsin sak peh ṭan a si ih saknak man ah 34 billion kyat (US$24.34 million) hrawng cemliam a si.

Vanzam tlannakding lamziin cu a sau lam ah ft 6000, kauh lam ft 100 a siih France le Italy ram suak vanzam ATR-72 phun ṭumnak dingih sakmi a si.

Leave a Reply

Your email address will not be published. Required fields are marked *

error: hahahahahaha !!