Chinram khuate pakhat ah Covid 19 mina an pung ciamco, Mi pakhat nunnak liam zo

Tedim peng, Tithang khua (တွီးထန်) ah Covid 19 nat nei an pung ciamco ih mipakhat nunnak a liam zo.

December 27 ah Covid 19 natnei minung 9 an hmusuak ih cuihni in Lockdown nei ṭan cih a si nan tuini tiang ah mina 19 an um zo ih mipakhat a thi.

“Covid 19 mina hmuhsuah a si ni in Lockdown nei ṭan cih a si ih Lockdown tuah hnu ah mina an pung ciamco bet. Tuini tiang Covid 19 mina 19 an um zo. Mipakhat a thi ruangah tui dinhmun ah mina 18 an tang a si” tiah Tedim, Harhdamnak lam ṭuanvonei mipakhat in Duwun hnen ah a sim.

Tithang khua ih Covid 19 nat thleng suak dan cu Tedim ah mopuai an va nei ṭum in a si ih Covid 19 mina 9 hmuhsuah ni December 27 in khuahuap lockdown an tuah cih. Lockdown hnu ah mina 10 an hmu bet ih mipakhat a thi a si.

Nat karhzailo dingin Lockdown tuah a si ruangah khuami pawl cu ei le in lei ṭul dinhmun an si khalle khuasung ṭuanvonei hnen ah simthan tengteng dingin thu an suah ih, cuvek Daan thlunlotu cu Covid 19 boruak ih thlun dingmi Daan pahbal thubuai thawn hmalaknak an nei tum a si.

Leave a Reply

Your email address will not be published. Required fields are marked *