Chinram ah SAC ralhraang le CDF/PDF kapaw (31 May 4pm update)

May 31 ah Matupi ihsin Hakha lam ah mawṭaw 3 khat thluh in ralkap an feh tiih thuthang a suak hnu reilote ah SAC ralhraang le CDF Hakha an kapaw tiah thuthang a suak.

Khuami pakhat cun “Surkhuami tamzet cu Inn le Lo tlansan in beunak kan hawl. Surkhua le Aika karlak ah SAC ralhraang le PDF an kapaw. An kahawk thawm khal khua lam tiang a thang.”

“Bomb puak thawm khal kan thei ih ziangvek dinhmun an si ti cu kan thei lo. Thlacamnak thawn in ṭanpi cio uh” tiah ramsung media hnen ah a sim.

Global Surkhua Page timi FB cahmai khalah Aika le Surkhua karlak ah SAC ralhraang le PDF kahdonak a suak thu an tarlang ih “Khuanu/pa pawl khal khua suahsan in beunak an hawl. Bomb khal an puah tiah kan thei ih thlacamnak thawn ṭanpicio uh si” tiah an tarlang.

Tuhrih tiangah Doawknak dinhmun le mithi, hriamtuar umzat theih fiang a si lo ih thuhla umdan zirin simthannak kan nei leh ding.

Surkhua cu CDF – Hakha in kandung May 8 ih SAC ralkap/palik Sakhaan an lak sak nak hmun a siih cuih ṭum ah ralkap/palik Sakhaan an urkang sak a si.

Leave a Reply

Your email address will not be published. Required fields are marked *