Chinmi hrang ah Central Chin Pawlpi, Kalaymyo a cangvai thok

Covid 19 boruak ruangah caan tawkfang cangvai thei lo ih um Central Chin Pawlpi, Kalaymyo pawlkom cu November 18 ihsin cangvainak a nei thok sal tiah theih a si.

Hmuntinkim ih um harsa tong Chin mi pawl ngaihvennak an nei hmaisabik ih China, Shweli ih Chinmi thawngtla mipum 19 thu, Falam peng Haimual khua in China feh ih thawngtla thu, Tahan ihsin China feh ih thawngtla thu tvk ngaihven in an buaipi thok cih a si.

Kalay Civil Hospital post-mortem tuah tik ih mipi hngahawknak inn sakmi thu khal Central Chin Pawlpi President Pu Fung Lian Zam, General Secretary Salai Bawi Lian Khum, Assistant Secretary Pu Ni Hlei Thang, Pu Ngun Sam Lian le Pi Mah Tling te pawl in buaipi hmalaknak an nei cih a si.

Central Chin Pawlpi cun Chin mipi ih taksa, thinlung harhdamnak, thansonak le ei in hawlnak tiang khal ah somdawl aw vivo in miphun ropi le tihzah upatmi si thei dingin an zuam vivo tum a si.

Leave a Reply

Your email address will not be published. Required fields are marked *

error: hahahahahaha !!