Ralring : China ram Chinmi umnak kiangkap ah Kidnap awknak a um

China ih um Chinmi Nunau kan zaaten ralring cio usih ti`n Duhsaknak thawn hi caa hi ka run ngan. Keimah hrang khalah hi caangan hi nuam ka ti ememlo, asinan, Kan zaaten kan himtlan theinak duhsaknak a si ti`n in theihthiam sakin ka cangan hi a tawp tiang in siar sak dingin ka lo sawm hai duh.

Thu umdan……. Kan dung thla hrawngah khan tanglam ih WeChat account screenshot tarlangmi nu hin Ka Pa a damlo, tlung ding ka si ruangah ka umnak Inn ah minung keimah aiawh tu ding an mamawh ti`n ka rualpi nu hnen ah a sim. Culen, ka rualpi nu khal cun kan rualpi dang hnen ah cui thu cu a va share tikah an nihkhal le Innteek rak hawl an si vethawn Wechat an share aw ih cutin an biarem awk hnu ah tarlangmi WeChat Account neitu hnen ah an va feh.

Cutin ni mallai biak pawh theilo ih an um ruangah mangbangin ka rualnu cun a va bia hngai tik ah thuhla a felfai theilo. A nih himi WeChat account neitu hi “Kidnap” mi a rak si. A sinaain thu felfai theimi kan neihlo ruangah zaapi hnen ah kan rel ngamlo. Cutin ni reinawn a liam hnuin an thuhla zingzoi a sihnu ah tusun ah thu felfai theihfiang a si.

Tusun ah an kaihmi nu “Hminthup” cun Kidnap an sithu a rel. Kidnap an sithu hi relduh khal ah rel a theihlo, phone hmanter caan te an nei hai ih cukhal ah kiltu an nei. Cun, mithawn phone an call awk khalle Video an zuk hai ih an ṭongmi le an mi biak khal record an tuah thluh ibak ah an kiangah kidnap a tong ve mi rualpi dang pawl kha an ṭongmi hmuahhmuah translate an tuahter tin an sim.

Minung pakhat ah China paisa 60000 (thawng sawmruk) an dil hai ih pek thei a sile suahter ding, pek theilo cun suah ngahloin cutin an umter hai. Cun, An sim-card hi an long ṭheh hai ih WeChat thawn Wifi lawng hmang terin a caancaan ah biak an ngah fangfang. An mahten police call ding khalin Simcard an phorh suah sak hai tikah an hrangah tlansuahnak lamzin a har thu, Kidnap a tongmi “Hminthup” cun a rel ti`n ka rualnu cun in sim.

Kan thu a sau commented lam ah thu tampi suhawknak a umpang ding ti ka phan ruangah a tawi theibik in thu hramthawk thil umdan ihsin ka run ngan nak san a si. Himi ka run nganduh sanbik nak cu mi zovek kan sikhal le ralring cio peiuh. FB group lam ah simaw, WeChat lam ah simaw, Inntek ka nei Hlawh cuzat in ni cuzat off tivek in post nan hmuh tikah mah rori ih theih fello mi hnen ahcun fehlo hram dingin le a bik in Himi WeChat Account neitu hin Inntek nei vek ih a lo sawm hai asile fehlo dingin ka lo sawm duh hai. A sancu a mah hi Kidnap ve mi a si. A mahcun Kan Pu le hin minung hnaṭuantu ka hmuhsak a sile poisa in pe ti`n a rel an ti. Naain himi hi poisa an pe ngaimaw? Silole, a mah teh hi duhlo cingin fialle hawlter mi teh a simaw ticu ka thei fel ve lo.

Tulai FB ih Inntek posttu hmuahhmuah hin an fello tinak siloin, Himi mi kidnap hmangte khalin Inntek nei vekin hnaṭuantu an hawl ihbak ah an hawldan ah hlawh ṭha, hnaṭuanding tam emem lo, mi ih umpaih ding zawng takin an hawlih, abakah Inntek vek in Interview khal mi an tuah ve tin rualpi dang pakhatin in sim bet.

Note:::: Himi WeChat Account neitu hi a FB kan theilo. A FB theitu nan rak umpang a sile Commented lam or Cb ah in theihter dingin kan lo sawm hai. Amah hi Manipur mi a si tiah theih a si.

Van Bawi Zi Hlawnceu

credit – Thian te

Cangantu pehtlaih duh hrangahThian te, Van Bawi Zi Hlawnceu

Leave a Reply

Your email address will not be published. Required fields are marked *