Chin Tv Night hrang timlamnak nei rero

April 16, Aizawl ih tuah ding mi Chin TV Night concert hrangah ṭuanvoneitu le hla sak tu ding pawl timlamnak an nei rero tiah theih a si.

Chin TV Night cu Chin TV International hohanak thawn tawlrel a si ih, Kawlram buai lai ah mi thleidang neiloin ralkian pawl ṭha zetih zohkhentu mizo mipi siseh, cozah le NGO pawlkom pawl parah lungawinak langterin an tuah mi a si.

Khuallian ah Chin ramkulh CM hlun Pu Salai Lian Luai, Mizoram tlunlam hlutdaw palai Pu K.Vanlalvena le ramkulh hlutdaw palai Dr.ZR Thiamsanga tipawl an sawm.

Cuihtlunah Kawlram (abikin Chin) ralkian pawl hrang lamziin sialsaktu Central Young Mizo Association (CYMA), Mizo Zirlai Pawl (MZP), Mizo Student’s Union (MSU) le Zo Reunification Organization (ZoRO) pawlkom tipawl an sawm tel ve.

April 16, Dawrpui Multipurpose Centre, Aizawl ah hman ding a si ih Chin le Mizo hlasakthiam pawl in mipi an awi ding.

Chin TV Night cu Chin TV International, Zonet/LPS tipawlin Live in an thlah ding tiah kan thei.

Leave a Reply

Your email address will not be published. Required fields are marked *