Chin ramri ah Mipi ralkap le ralhraang an doaw

July 11, sunlai hrawngin Kalaymyo thlanglam, Chin Tlanghram ah mipi ralkap ṭangkop pawl le ralhraang ralkap an do aw tiah theih a si.

Thazaang 200 kiangkap ralhraang ralkap cu July 10 ah Kalaymyo thlanglam, Yangyiaung khua ihsin Hakhalay lam an pan ih Ke thawn hramlak ihsin hmunram an nor vivo.

Hakhalay le a kaingkap khua ah khawmi 10 lenglo kai in ralkhamphaw ah an hmangih hramlak ihsin hmunram an nor vivo tiah khawmi pawl in an sim.

Laitlang ah maw an kai tum, khawi hmun an pan tum ti cu felfai in theih fiang a si lo ih atu ah mipi ralkap pawl thawn nasaten an doaw tiah thuthang kan thei.

Doawknak hmun hi Hakhalay kiangkap hrawngah ti a si ih boruak a sosang ruangah Kalay thlanglam pawl ah zohman feh lo dingin mipi ralkap in thuthannak an nei zo a si.

Tu dinhmun ah doawk thu cipciar theih a si hrih lo hlei ah ralhraang ralkap ralkhamphaw hmangmi khawmi pawl dinhmun khal felfaiin theih a si lo.

Leave a Reply

Your email address will not be published. Required fields are marked *