Chin ramkulh NLD neh theinak BU an Din

Myanmar rampi hrilaw ni a nai cuahco thlang ih party tinkim in nehnak co thei dingin cangvaihnak an nei rero laifang a siih, NLD khalin Chin ramkulh ah nehnak co thei dingin hmalaknak a nei rero.

Tukhalah, NLD party cun ramkhel hmalaknak nei in Chin ramkulh hrangih rampi hril awnak ah “Neh Theinak Bu” (Aung-naing-yi committee) a din tiah theih a si. August 17 ah mipum 10 thawn an din mi a siih hotu ah Salai Isaac Khen a si tiah CH daily news cun a tarlang.

2015 lai khalah Chin ramkulh ih NLD hrang Neh Theinak Bu an rak din dah zo ih, cuih ṭum ahcun Pu Run Bik in hotu a rak ṭuan tiah theih a si.

Atu ahcun municipal minister hlun Salai Isaac Khen in a hoha dingih sungtel pawl ah U Bu Phui, U Mana Thang, U Thang Bu, U Siang vel, Salai Jacob Thang, Salai Thet Naing, U Suan Za Nang, U Lian Lam Mang le Dr Sa Sa pawl an tel a si.

Leave a Reply

Your email address will not be published. Required fields are marked *