Chin ramkulh ih Sub-Election Commission ṭuanvonei mipathum kaihkhih tuar

Chin ramkulh : 2020 rampi hrilawknak ih pengṭhen Election Commission ṭuanvonei mipathum cu February 10 ah palik in an kai tiah theih a si.

Kaihkhih tuartu mipathum cu Thangtlang peng Election Commission ih ṭuanvonei Salai Khin Aung Ling @SangSang, Hakha peng Election Commission ṭuanvonei Pu Thla Kio Lian le Salai Thawng Pi te pawl an si.

Hih thuthawn pehpar in “Pu Ronnie Thla Kio Lian cu February 10 zaan ah an kai. Salai Thawngpi cu February 11 zinglam nazi 12 luan ah palik in a inn ah luhhnawh in an va kai. Thantlang ih an kaih mi khal Hakha lam ah an hruai cih. Kawlrawn lam ih Election Commission ṭuanvonei tamzet khal kaihkhih an tuar thok” tiah The Chinland Post in a tarlang.

Pu Ronnie Thla Kio Lian in February 9 ih lamzawh duhphorhnak neitu thazaang pek nak a nei lai….

Kaihkhih an tuar nak san cu theihfiang a si lo nan 2020 rampi hrilawknak ih Pengkulh huap Election Commission an ṭuannak thawn pehtlaihnak a um ding tiah zumnak a um a si.

2020 rampi hrilawknak ah vote diklo a um timi phuahlam thawn rampi cozah thuneihnak laktu Myanmar ralkap cun 2020 rampi hrilawknak ih vote diklo thuthawn pehpar in hmalaknak kan nei leh ding tiih a rak phuang cia mi cu tui`zaan February 10 ihsin a cangvai thok tiah ruahnak a um a si.

Leave a Reply

Your email address will not be published. Required fields are marked *