Chin ram huap Tlawngap tumtu cazin ah Falam peng in hmai hruai

Chin ramhuap SAC ralhraang cozah Tlawng kaituding hmin cazinpeknak hmasabik ni, May 24 ih Tlawngap tumtu cazin ah penghuap zawngin Tlawngap tumtu tambiknak cu Falam peng a si tiah theih a si.

Kanpetlet le Mindat tel loin May 24 ih Chinram Myone 7 Tlawngaptumtu cazin cu mipum 1796 an kim tiah Pyine Fimzirzung ih thusuah cu Chin World in a tarlang.

Cumi ah Tlawngaptum tambiktu dinhmun in Falam peng in hmai a hruai ih hmincazin zatekom in mipum 400 luan an si.

Cukhalcu May 31 tiang Tlawngkai tuding hmin cazin pek theih a si lai ruangah hihnakih pung tam thei dinhmun a si hrih lai.

Falam peng ihsin ralkap ukhruainak hnuai ih Tlawngap tumtu tamtuk cu Dothleng cangvaihnak pawlkom le bulpak zawng khalin nasaten an soisel ih pumcawmnak hnaṭuan rori thaap in CDM ih teltu hmasongnak talin ralkap ukhruainak hnuai ah fa le tlawng ap lo dingin nasaten forhfialawknak a um a si.

zuk : Salai Patrick

Leave a Reply

Your email address will not be published. Required fields are marked *