Chin ram doawknak ah ralhraang 15 an thi

Chin ramkulh, Kanpelet peng ah ralhraang SAC ralkap le CDF-Kanpetlet mipi ralkap pawl sunnihlawh deuh thaw an doaw ih ralhraang lam mithi an tam.

June 10 zinglam nazi 7 in nazi 9 tiang hrawng ah voikhat, Zaanlam nazi 1 ihsin 4 tiang hrawng ah voikhat ti`n nikhat ah voihnih an doaw ih, CDF-Kanpetlet in ralhraang ralkap amalbik 15 an thi ti`n thu an suah.

Doawknak a nasazet ti a si ih ralhraang 15 hrawng an thi hlei ah hriam tuar 30 hrawng an um ding zum a si. Mipi ralkap lam khalah hriam tuar 2 an um nan an besia tuk lo.

Sunnihlawh deuh thaw doawknak ah ralhraang lam an tuar na nan Kyaukhtu khua lam ihsin phukpi thawn an kap bawm ruangah CDF-Kanpetlet tatyin 2 Vokok sakhaan cu mipi ralkap in an suah san ve.

“CDF-Kanpetlet tatyin 2 Vokok sakhaan cu phukpi thawn voi tam zet an kap. Thazaang le ralthuam thlauaw ruangah Vakok sakhaan kan suah san” ti`n CDF-Kanpetlet in thu an suah a si.

Tu dinhmun ah doawknak cu an cawl hrih nan boruak a sosang sal ding zum a um a si.

Leave a Reply

Your email address will not be published. Required fields are marked *